INFORMACIÓN

ESCOITAR / DESCARGAR

CARÁTULA DO DISCO

O zapato quere a media,
a media quere o zapato,
tamén a moza bonita
requere un mociño guapo.

Vén bailar Carmiña,
Carmiña, Carmela,
con zapato baixo
e media de seda.
E media de seda,
finiña, calada,
vén bailar, Carmiña,
miña namorada.

Quen ten amores no dorme,
quen non os ten adormece,
quen os ten lonxanos chora,
quen os ten perto padece.

Catro cousas hai no mundo
que removen o sentido:
amar e non ser amado,
querer e non ser querido.

Aí che vai meu corazón,
si o queres matar, ben podes,
pero como ti vas dentro
tamén ti, si o matas, morres.