Cerca de mañana é un traballo colectivo gravado clandestinamente nuns estudios da rúa Vallehermoso de Madrid no ano 1972 e publicado en Francia no ano 1973 co subtítulo Canciones del País Vasco, Cataluña, Galicia y España. O título está tomado do poema Cerca de mañana de Carlos Álvarez. Suso Vaamonde colabora co tema Romance de cego de Pedro I o inundador.

O disco está composto por 17 cancións. Na maior parte delas, Luis Merlo encargouse dos arranxos, a dirección musical e o acompañamento coa guitarra. Tamén se contou coa colaboración de Emilio Martínez no contrabaxo e na frauta. O disco contén no interior un texto de Tina Blanco.