Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Cantigas para unha regueifa


INFORMACIÓN

Título:Cantigas para unha regueifa
Disco:Santiago, mar de pedra (1997)
Letra:Avelino Abuín de Tembra
Música:Suso Vaamonde
Voz:Suso Vaamonde

ESCOITAR / DESCARGAR

CARÁTULA DO DISCO

Compostela, noiva
De souril cenefa,
Casarei contigo
Se o vento me deixa.

Compostela, noiva
De corpo avisedo,
Casarei contigo
Se me deixa o vento.

Compostela, noiva
De falopas mengas,
Casarei contigo
Se o vento me deixa.

Compostela, noiva
De acenantes peitos,
Casarei contigo
Se me deixa o vento.

Compostela, noiva
De loiros desexos,
Casarei contigo
Se me deixa o vento.

Compostela, noiva
De mol abelencia,
Casarei contigo
Se o vento me deixa.

Tamén aparece en:

Así é a miña terra

Para facer unha nova busca, preme aquí.