INFORMACIÓN

ESCOITAR / DESCARGAR

CARÁTULA DO DISCO

Como se menean as troitas na auga,
así se menea o teu corpo rapaza.
Como se menean as troitas do río,
así se menea o teu corpo garrido.
Ai lalalalelo ai lalalalalo.

A túa nai é A Cucaina,
ó teu pai chámanlle O Cuco,
á túa nai A Cucaina,
ós teus irmáns Os Cuqueiros,
e á cría Cucarandaina.

Ou che deixen de alcumar,
que te chamen o que queiran
ou che deixen de alcumar,
como de perto és cuquiña
eu Cuquiña heite chamar.

Cuquiña do meu querer,
Cuquiña sempre Cuquiña,
Cuquiña do meu querer,
que por seres tan cuquiña
te quero a máis non poder.