Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

O mozo Daniel


INFORMACIÓN

Título:O mozo Daniel
Disco:Homenaxe a Celso Emilio Ferreiro (1989)
Letra:Celso Emilio Ferreiro
Música:Suso Vaamonde
Voz:Suso Vaamonde

ESCOITAR / DESCARGAR

CARÁTULA DO DISCO

Ouro vello de outono e prata fina
a lúa por debaixo, o sol enriba.

Nesa túa sorrisa de auga e fume,
mozo Daniel, na que se acouga o vento
sorrí decote a ialma de Galicia
feita de amor e troquelada en tempo.

Longo río de sono e mar de cinza
a lúa por debaixo, o sol enriba.

Por isse rostro teu, espello esaito
no que zugan solpores as estrelas,
pasan mestas bandadas de amarguras
albaradas de luz, noites de pedra.

Escuma de mencer e cotovías
a lúa por debaixo, o sol enriba.

Cómpre sorrir arreo, sin descanso
pois so sabe sorrir quen ten espranza
que a terra dos abós Galicia eterna
pola túa sorrisa será salva.

Afía a esperanza, a fouce afía
a lúa por debaixo, o sol enriba.

Para facer unha nova busca, preme aquí.