INFORMACIÓN

ESCOITAR / DESCARGAR

CARÁTULA DO DISCO

Quedei no bar en seco como un peixe
ó te marchares ti, mar en devalo.

Foi o teu corpo o mar e todo o peixe
do que fun mariñeiro fracasado.

E foi tamén un Pórtico da Gloria
onde romeiro quixen ser un anxo.

Oh doce o templo aceso do teu corpo
pra quen sen fe nen luz viña a Santiago.

Cómo fixeches destas mans ardentes
como precioso frío peixe rápido.

Xa Compostela afoga en gris de chuvia
e dende aquí ó teu Lugo eme naufraxio.

Voume do bar, das risas e tertulias,
que agora sabe alí o café máis agro.

Vou Bonabal arriba pola Anguria
ó meu silencio en Rúa do Home Santo.

Oh doce o sal e a prata do teu peixe
aínda a nadar no meu ensoño lago.

Quedei no bar en seco como un peixe
ó te marchares ti, mar en devalo.

Tamén aparece en:

Santiago, mar de pedra