Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Terra


INFORMACIÓN

Título:Terra
Disco:Nin rosmar un laído (1977)
Letra:Valentín Lamas Carvajal
Música:Xosé Luís Rivas Cruz
Voz:Suso Vaamonde

ESCOITAR / DESCARGAR

CARÁTULA DO DISCO

Sol que alumea as tréboas
dos fondos sofrimentos,
voz que doutros espacios
nos ven eiquí a falar.

Na múseca dos soutos
no sospirar dos ventos
no marmurar dos ríos
e no muxir do mar.

Por eso en longas terras
de coitas e de dores
os fillos de Galicia
morrendo tristes van.

Tornade acó emigrantes
voltade á vosa terra
que a nosa Patria berra
hai tanto que arranxar.

Facer ao escravo libre
votar da casa a fame
que o que traballa gane
que todos teñan pan.

Que o trigo encha as artesas
que fuxan os doores
que non haxa señores
que veña a libertá.

¡Quen dixo que era probe
a rica Terra nosa,
quen dixo que saudosa,
quen tanta crueldá!

A nosa Terra é nosa
a nosa espranza é nosa
cómpre facer xusticia
xa é hora de falar.

Galicia, nome santo
que dixen con ledicia
de neno e que hoxe lembro
co lume da pasión.

Cando morrer eu vaia
o nome de Galicia
direino misturado
co nome do meu Dios.

Tamén aparece en:

Lembranza
Concerto en Taragoña

Para facer unha nova busca, preme aquí.