INFORMACIÓN

ESCOITAR / DESCARGAR

CARÁTULA DO DISCO

Viaxeiro, que vés de lonxe
e vas de paso.

Coa palabra máis viva
de meu linguaxe, falo.

Repudio as inxusticias
i a libertá procramo.

Digo a miña verdade
e no pobo descanso.

Viaxeiro, que vés de lonxe
e vas de paso.

Teño a luz dos abrentes
i as estrelas reparto.

Estóu cos sofridores,
vivo cos desheredados.

Pelexo contra a noite
e non creo nos anxos.

Viaxeiro, que vés de lonxe
e vas de paso:

dilles aos irmáus da Terra
que é moi triste o País dos Ananos.