Celso Emilio Ferreiro, fotobiografía sonora é un proxecto publicado por Ouvirmos. A fotobiografía edítase xunto con dous CDs. Un deles recolle a voz do autor recitando os seus textos e o outro ofrece unha selección das cancións compostas cos seus poemas por artistas como Suso Vaamonde, María Manuela, Los Tamara, Miro Casabella ou Fuxan os Ventos, entre outros. Xurxo Souto Eiroa, músico e director de programación da Radio Galega, foi o encargado de documentar e guiar a escoita deste último CD, para o que se escolleron dúas cancións de Suso Vaamonde: Derradeira vontade de Fuco Buxán e Romance de cego in memoriam de Federico García Lorca.