Manuel María, fotobiografía sonora é un proxecto publicado por Ouvirmos. A fotobiografía edítase xunto con dous CDs. Un deles recolle a voz do autor recitando os seus textos e o outro ofrece unha selección das cancións compostas cos seus poemas por artistas como Suso Vaamonde, Fuxan os Ventos ou A Quenlla, entre outros. Xurxo Souto Eiroa, músico e director de programación da Radio Galega, foi o encargado de documentar e guiar a escoita deste último CD, para o que se escolleron dúas cancións de Suso Vaamonde: Animais (o cuco, caracol, meu burriño) e Galicia.