A roda
INFORMACIÓN
| Título: | A roda |
| Disco: | Os soños na gaiola (1978) |
| Letra: | Manuel María |
| Música: | Suso Vaamonde |
| Voz: | Suso Vaamonde |
ESCOITAR / DESCARGAR
CARÁTULA DO DISCO
Están en corro as neniñas
formando unha roda- roda.
E cantan esta canción
que nunca pasa de moda:
Polo fondo do mar,
matarilerile;
polo fondo do mar,
matarilerilerón
vai voando unha sardiña
cunhas alas de latón.
Están no corro as neniñas,
roda que te rodarás.
¡Están no corro as neniñas
cantando ó mesmo compás!
Polo fondo do mar,
matarilerilerón
vai voando unha sardiña
e nadando un avión.
A tarde xa vai caendo.
As nenas xa se cansaron.
¡As súas voces algareiras
como os paxaros voaron!
Para facer unha nova busca, preme aquí.