Os soños na gaiola (1978)
Os soños na gaiola é un disco infantil composto por poemas da obra homónima de Manuel María. Foi gravado no verán do ano 1978 nos estudios Los Campanilleros de Madrid coa colaboración de Verbas Xeitosas. Galardoado co premio Disco infantil do ano polo Ministerio de Cultura, forma parte do conxunto de traballos musicais que Suso Vaamonde dedicou aos máis pequenos, xunto a Cantarolas pra xente miúda e Rapazas, rapaces e rapazadas.
En 2006, a AS-PG (en colaboración con A Mesa, CIG e AELG) reeditou o disco en formato CD-libro, incluindo partituras e propostas didácticas. En 2016, con motivo do Día das Letras Galegas ao poeta Manual María, fíxose unha nova edición en formato CD-libro a cargo de Senén Vaamonde e con ilustracións de Antía Vaamonde.
Tódolos temas foron musicados por Suso Vaamonde.
Preme na cabeceira de cada columna para reordenar a lista. Para facer unha nova busca, preme aquí.
Para ver a lista completa de edicións, preme aquí.
| Intérprete | Editorial: nº editor | Nº depósito legal | Formato | Lugar | Ano | |
|---|---|---|---|---|---|---|
| Suso Vaamonde | Senén Vaamonde: 5419695532 | VG 774-2015 | CD-Libro | Vigo | 2016 | |
| Suso Vaamonde | Dial Discos-Doblón: 96773 | M 26385-2008 | CD | Madrid | 2008 | |
| Suso Vaamonde | AS-PG et al.: 84-89679-79-7 | C 1712-2006 | CD-Libro | Santiago | 2006 | |
| Suso Vaamonde | Dial Discos-Doblón: 96986 | M 26208-1997 | CD | Madrid | 1997 | |
| Suso Vaamonde | Dial Discos-Diapasón-Limoeiro: NC 11.0023/24 | M 28234-1978 | Casete (2) | Madrid | 1978 | |
| Suso Vaamonde | Dial Discos-Diapasón-Limoeiro: 51.0023/24 | M 28235/37-1978 | LP (2) | Madrid | 1978 |