Boneco de palla
INFORMACIÓN
| Título: | Boneco de palla |
| Disco: | Soltas (s. d.) |
| Letra: | Xosé Neira Vilas |
| Música: | Suso Vaamonde |
| Voz: | Suso Vaamonde |
ESCOITAR / DESCARGAR
CARÁTULA DO DISCO
No curuto do palleiro
hai un boneco de palla
posto polos malladores
cando fixeron a malla.
Sempre alá enriba chantado,
día e noite, noite e día,
ledo e triste ó mesmo tempo
na súa alteira moradía.
Un mes tras doutro en acougo,
soio, teso e carricento,
abanéase no marzo
co fero bufar do vento.
Chova ou xíe, neve ou trone
atura todo o que ven,
sin agardar nin pedir
agarimos de ninguén.
Ai, bonequiño de palla,
tan probe e tan churrusqueiro,
decote en pé, vixiante,
no curuto do palleiro
Para facer unha nova busca, preme aquí.