Reúnense neste apartado cancións cantadas por Suso Vaamonde que non forman parte de ningunha obra unitaria e que nunca chegaron a ser publicadas. As máis das veces, trátase de gravacións caseiras feitas polo propio Suso en diferentes momentos da súa vida a xeito de probas ou composicións en curso; inclúense tamén algunhas cancións compostas por outros artistas e que Suso versionou nalgún momento.

Todo este material foi recuperado a partir de gravacións en casete e nalgúns casos pode presentar ruídos de fondo e outras fallas sonoras. No entanto, a súa condición de material inédito concédelle un valor de seu e, por iso, entendemos que merece formar parte do legado que nos deixou o artista.