Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Concerto encol dun boi


INFORMACIÓN

Título:Concerto encol dun boi
Disco:Soltas (s. d.)
Letra:Celso Emilio Ferreiro
Música:Suso Vaamonde
Voz:Suso Vaamonde

ESCOITAR / DESCARGAR

CARÁTULA DO DISCO

Disque, na súa tenra xuventú,
iste boi que ós galegos estercola
foi en Galicia á escola
i adeprendeu el soio a decir Múu.

Non sexas, meu amigo, fabulista
e faime a gracia de facer memoria:
aquel que dixo múu na nosa historia
non era un boi, que era un burro flautista.

O conto que che conto é a verdá
e ninguén torcerá a miña pauta:
o boi que dixo múu tería unha flauta
que soar poido por casualidá.

En vista de que falas con firmeza
conveño en que o teu boi é mitolóxico;
un especimen raro fisiolóxico,
mixto de burro e boi na mesma peza.

Un estrano animal
que co seu múu asnal e corifeo
ampliou o solfeo
cunha moderna nota musical.

Por elo chegarán futuras datas
en que todos veredes
carteles coma iste nas paredes:
"Concerto en múu mayor a catro patas".

Para facer unha nova busca, preme aquí.