Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Coplas do casamento


INFORMACIÓN

Título:Coplas do casamento
Disco:Coplas do viño (1998)
Letra: Popular
Música:Popular
Voz:Suso Vaamonde / Colectivo Trebón

ESCOITAR / DESCARGAR

CARÁTULA DO DISCO

Eu queríame casare,
miña nai non teño roupa.
Casa, miña filla, casa,
que unha perna tapa a outra.

Para vir a xunto a min,
para vir a xunto a min,
vai lavar a cara,
vai lavar a cara,
vai lavar a cara, galopín.

Eu queríame casare,
miña nai dime que é cedo.
Ela como está casada
non sabe as ganas que eu teño.

Eu queríame casare,
miña nai non me deixou,
Agora vou polo mundo,
boa muller me buscou.

Todos me din que me case,
todos me din que vou ben,
todos me din que me case,
pero non me din con quen.

Eu queríame casare,
miña nai ponme reparos,
si o meu corpo fora o dela,
non che me faría tantos.

Para facer unha nova busca, preme aquí.