INFORMACIÓN

ESCOITAR / DESCARGAR

CARÁTULA DO DISCO

Eu sinto que algo falta no que eu son,
algo que nin eu sei,
algo que sempre esbara e se me vai...

Sempre me vexo nunha praia aberta
con outra beira lonxe,
alá onde nada podo dar por meu.

Lonxe, moi lonxe, teño a outra orela,
alí onde todo se me fai misterio,
alá onde nin eu mesmo me acheguei...

Ás veces vólvome unha agarda longa,
un debecer por algo que presinto,`
por algo meu que non se sabe ben...

¿Que puido ser o que eu perdín antonte,
iso que falta aínda
pra que eu atope o eido meu en min?

Eu ando sempre a volta, sin abeiro,
i estou tan perto, tan ó pé de min,
que eu xa non sei quén son!

E a pouco que me achegue ó meu misterio,
todo se choe en min,
todo se volve alleo e nada sei...