Neste traballo recollemos un conxunto de cancións, moitas delas inéditas, que Suso Vaamonde recompilou nun máster de gravación en formato casete e que, por razóns que descoñecemos, non chegou a ser publicado. O traballo caracterízase por incluir, entre outros, varios poemas escritos polo propio Suso, algo pouco habitual na súa discografía, así como poemas de Celso Emilio Ferreiro e algúns fragmentos tomados da obra Os vellos non deben de namorarse de Alfonso Daniel R. Castelao.

O máster non ten título coñecido, polo que decidimos asignarlle aquí o título da primeira canción da cara A, que é o poema Ollos de nenos de Manuel María. Tampouco contamos con ningunha carátula do disco, polo que escollemos aquí unha imaxe co citado poema.