INFORMACIÓN

ESCOITAR / DESCARGAR

CARÁTULA DO DISCO

A xeito de S.O.S
falo na madrugada:
Pechai tódalas portas
e que xa ninguén saia.

Sin a seiva nutricia
esmorecen as gallas.
Arbre antigo, Galicia,
fendérono ás machadas.
Unha ponla no mundo,
outra ponla na casa.
A ponla de alén mar
é soio unha metáfora.
O povo quere terra
como Anteo na fábula.
A terra quere povo
pra ser fecundada.
Nunca virá de fora
remedio ou esperanza.
Si o noso povo morre
quedámonos sin patria,
pois patria e povo son
o mesmo en dúas palabras.

Pechai tódalas portas
e que xa ninguén saia.

Tamén aparece en:

Limiar
Gravación en Barcelona