Batería, son e mesturas: Xosé María Moll
Gaitas e percusión: 'Boiro'
Guitarras e frautas: 'Tranquilo'
Debuxos da portada: Laxeiro
Deseño gráfico da edición en CD: Beatriz iglesias
Edición: Dial Discos S. A.

Agradecementos:
Neste LP, coma en tódalas cousas, hai unha chea de anécdotas. Cando pensei en facer esta homenaxe a Celso Emilio Ferreiro, comencei a ter apoio de tódalas bandas.

Primeiro, ó dar a idea, a moral da súa dona Moraima, e os seus fillos, Sabela, Lois, Xosé e Xavier. Logo, cantando para escoller os temas, o refolgo de Miguel Boo, de Quica, de Xoanxo Feijoo, dos Villamarín (pai e fillo) na bodega de Barbantes, do Emiliano... Tamén de Loli, Xulio, meus pais e irmáns, dos 'nenos' de Bentraces, do Cholo, Sergio Troncoso, o Chuspe, o Lombardero, or rapaces do Condado, o texto dos Perozos... As traducións dos textos ó Euskera foron de Iñaki Zabaleta e ó catalán de Josep Garcia i Riera.

Xa na gravación, en Madrid, a moral de Tareixa, Susana, Carolina, a voz do Rafa, as guitarras e flautas do 'Tranquilo', as gaitas e percusión do 'Boiro', do cuarteto 'Follas Novas' de Ferrol, a batería e o son e mesturas de Xosé María Moll, que tamén nos deixou a 'Rickenbaker'. As mil e unha anécdotas de Lola Gaos, o ambiente de 'Sonido 14'. Os debuxos da portada, de Laxeiro.

Supoño que de calquera xeito, toda Galicia vaise xunguir a esta homenaxe. Celso Emilio Ferreiro ben o merece.

(Suso Vaamonde, 1980)