Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Ninguén


INFORMACIÓN

Título:Ninguén
Disco:Limiar (1979)
Letra:Xosé Lois Méndez Ferrín
Música:Suso Vaamonde
Voz:Suso Vaamonde

ESCOITAR / DESCARGAR

CARÁTULA DO DISCO

Terra de proseguir e non dar nada,
despaciosa Galicia que nos levas
acochados en ti. Lento veleno
que pon nos ollos unha cousa verde.

Língoa que me enche a boca enteiramente
e coma un río interno me asolaga.
Quero dicir teu nome e digo apenas
xentes de terra, homes lentamente
un por un devecendo e sendo nada.

Galicia coma un río que se estiña,
terra de esmorecer, patria do vento.

Quero dicir teu nome e digo dorna
baleira, mergullada dorna negra,
grande arado sen bois, feira sen xente,
noite que vén, enorme noite fría...

Quixera alzar meu canto coma un puño
e por na miña voz teu nome ergueito,
pero non hai ninguén para escoitarme.

Tamén aparece en:

Lembranza
Homenaxe no Porto

Para facer unha nova busca, preme aquí.