O lume novo
INFORMACIÓN
| Título: | O lume novo |
| Disco: | Os soños na gaiola (1978) |
| Letra: | Manuel María |
| Música: | Suso Vaamonde |
| Voz: | Suso Vaamonde |
ESCOITAR / DESCARGAR
CARÁTULA DO DISCO
Hoxe é o lume novo,
noite de San Xoán
¡As ledas fogueiras
acesas están!
¡Que gusto, rapaces,
saltar as fogueiras,
dar brincos, rebrincos
e pinchacarneiras!
¡Que gusto, rapaces,
correr e saltar,
dar brincos e pulos,
volver a brincar!
¡Que gusto, que ben
saltar as fogueiras
coas chamas subindo,
medrando lixeiras!
Á mañá o borrallo
terase apagado...
¡E sobre el despacio,
pasará o gado!
¡Pasará o gado
tripando o borrallo
pra que non o pille
o mal do meigallo!
Para facer unha nova busca, preme aquí.