O vento
INFORMACIÓN
| Título: | O vento |
| Disco: | Os soños na gaiola (1978) |
| Letra: | Manuel María |
| Música: | Suso Vaamonde |
| Voz: | Suso Vaamonde |
ESCOITAR / DESCARGAR
CARÁTULA DO DISCO
O vento i o seu alento
é cousa que non se ve.
¡O vento ten un misterio!
¡O vento un misterio é!
As veces é un marmurio,
un sopro maino da brisa,
solermiño, arrolador,
semellante a unha sorrisa.
As veces o vento zoa,
terribel, ameazante:
¡leva lousados e albres
coa súa forza de xigante!
O vento tolo, na noite
corre, brúa, berra, brama:
¡eu a escoitalo medoso
acochadiño na cama!
O vento pasa bruante
con forza de xigantón.
¡Eu sinto por el respeto
e sempre lle chamo don!
Para facer unha nova busca, preme aquí.