Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Terra Cha


INFORMACIÓN

Título:Terra Cha
Disco:Lembranza (2000)
Letra:Darío Xohán Cabana
Música:Suso Vaamonde
Voz:Suso Vaamonde

ESCOITAR / DESCARGAR

CARÁTULA DO DISCO

Terra Cha que vas ao lonxe
antre petoutos esguíos
que ledicia Terra Cha
a dos teus longos camiños.

Que ledicia o vento do Norde
que riza as augas do río
que ledicia os catro ventos
feitos de anchos remuíños.

E vos fragas bravas, puras
e vos toxales amigos
e vos brancas abedoeiras
todos eternos amigos...

Terra Cha de longo ceo
Terra Cha de longos ríos
Terra Cha de longos vrans
Terra Cha de longos fríos.

Longa Terra Cha de ventos
Longa Terra Cha de ríos
¡Forte e brava, Terra Cha
ledicia do vello Miño!

Terra Cha de longo ceo
Terra Cha de longos ríos
Terra Cha de longos vrans
Terra Cha de longos fríos.

Tamén aparece en:

Nin rosmar un laído
Concerto en Betanzos

Para facer unha nova busca, preme aquí.