Volvín á terra pro perdín o amor
INFORMACIÓN
| Título: | Volvín á terra pro perdín o amor |
| Disco: | Concerto en Pontevedra (ca. 1986) |
| Letra: | Bernardino Graña |
| Música: | Suso Vaamonde |
| Voz: | Suso Vaamonde |
ESCOITAR / DESCARGAR
CARÁTULA DO DISCO
Case morto vivín sen conocerte
Aló na chaira seca e por absurdas rúas
Onde ninguén me soubo dar mornura.
Foi Soedade desconforme adentro
E a semente a caír en terra dura.
¿Como hei vivir mañá sen a luz túa?
Erguinme e vinte ó regresar a terra
Como se aquelo fora todo un soño
Pesado e ti xa foras sempre miña.
Foi outra vez materno en aloumiño
O bico teu na língoa.
E foi de novo corazón adentro
Comprender a existencia e a dozura.
¿Como hei vivir mañá sen a luz túa?
Pro hoxe mesmo rachou o día en medo
Entrou na fiestra un sol estrano inmenso
E deixáchesme o leito en mantas frías.
Está a volver agora corazón adentro
Soedade e podremía.
A convertirse cada cousa en tumba
Cada minuto en sesenta agullas.
¿Como hei vivir mañá sen a luz túa?
Para facer unha nova busca, preme aquí.