Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Alfonso Daniel R. Castelao


INFORMACIÓN

Título:Alfonso Daniel R. Castelao
Disco:Nin rosmar un laído (1977)
Letra:Darío Xohán Cabana
Música:Suso Vaamonde
Voz:Suso Vaamonde

ESCOITAR / DESCARGAR

CARÁTULA DO DISCO

Compañeiro Daniel de vida innumerable
como os astros do ceo i os camiños do mar,
na tenebrosa noite da patria inhabitable
témoste no recordo como unha luz albar.

A ti falo, Daniel, morto lonxe da terra.
Es noso i a túa luz aluma a escuridá
que nos deixou a historia de tres anos de guerra
en que os lobos mataron a luz e libertá.

Compañeiro Daniel, as pistolas sonaban
i enloitaron cunetas con sangue loitador,
as pistolas sonaban i os bandidos berraban
a terríbel victoria do odio e do terror.

E ti fúcheste lonxe predicar no deserto
pra erguerdes un exército que endexamais loitou
e morriches un día sin veres entreaberto
o camiño da volta que a túa alma soñou.

Pro na patria abatida e do pobo explotado
nacimos nós os fillos da morte e do tristén
percurando furiosos vinganza e novo estado
e unha roxa alborada sin cabo nin comén.

I a ti, bo compañeiro, que o furacán aleive
matou desesperado na outra banda do mar
prometémosche a terra dunha Galicia ceibe
pra enterra-los teus ósos onde teñen que estar.

Tamén aparece en:

Concerto en Betanzos
Concerto en Xenebra
Concerto en Taragoña
V Festival da Poesía no Condado

Para facer unha nova busca, preme aquí.