INFORMACIÓN

ESCOITAR / DESCARGAR

CARÁTULA DO DISCO

Morre abafada Galicia
baixo a pouta castelán
temos fame de xustiza
fame de lobo e de can.

Probe de nós
Dios nos colla da súa man.

Saien os vapores cheos
nenos i homes que se van
cai o pedrizo dos ceos
e deixa arrasado o chan.

Probe de nós
Dios nos colla da súa man.

Ó chegar o San Martiño
os foreiros voltarán
ni esquecerán o camiño
ni as rendas esquecerán.

Probe de nós
Dios nos colla da súa man.

Xuraron nas eleccións
faguer a vida levián,
ruben as contribuciós
o ano que ven dobrarán.

Probe de nós
Dios nos colla da súa man.

A corenta reas o millo
e non se atopan ni un gran
eles dándolle o sarillo
faguendo como que fan.

Probe de nós
Dios nos colla da súa man.

Temos frío, temos medo
de erguer o sacho na man
bebémo-lo viño acedo
e xa o sangue e solimán.

Probe de nós
Probe dos probes sin pan.

Probe de nós
Dios nos colla da súa man.

Tamén aparece en:

Loitando
Regodobargo