Noticia da nova canción galega foi un proxecto ideado e dirixido por Suso Vaamonde. Tratábase dunha recompilación de música galega gravada por EDIGSA entre 1967 e 1974 e constaba dun dobre CD que incluía temas de membros de Voces Ceibes e doutros artistas da época.

A publicación desta recompilación suscitou unha polémica entre Suso Vaamonde e integrantes do colectivo Voces Ceibes e, finalmente, o traballo foi retirado do mercado. Orixinalmente, o proxecto constaba dun segundo volume con cancións de Xan Rubia e Jei Noguerol, que xa non chegou a ser publicado. A Radio Galega fíxose eco da polémica dándolle voz ás posturas enfrontadas, nun programa que se pode escoitar aquí.