Sempre intentan confundirme
a verdade cunha lei.
Parvo intento! Hai moitos anos
que a verdade ben a eu sei.

(As palabras dos galegos. Millán Picouto)

Romance de cego de Pedro I o inundador


INFORMACIÓN

Título:Romance de cego de Pedro I o inundador
Disco:Cerca de mañana (1972)
Letra:Miro Casabella
Música:Popular
Voz:Suso Vaamonde

ESCOITAR / DESCARGAR

CARÁTULA DO DISCO

Miren señores que historia
nun pobo do noso Ourense
que ten xuez e segredario
e tamén señor forense.

Cheo de uva e de amor
era un val tan fermosiño
era en Galiza unha frol
era Castrelo de Miño.

Hasta que chegou o día
nunha mañá moi fermosa
en que chegou a Castrelo
o Conde señor Fenosa.

Ademiraba aquel conde
non as ringleiras do viño
senón o embalse futuro
do meu Castrelo do Miño.

Cando en Castrelo se soupo
das intencións daquel conde
o pobo en irmandade
ante a infamia responde.

Estas verbas di Fenosa
"si les jodo que mas da,
a mí lo que me interesa
es la ilitricidá".

"Que el embalse se construya"
dixo Paco entusiasmado
e alí mandou os ceviles
pra impoñer seu mandado.

Pedradas mandou o pobo
que lles foron a perilla
prós que enchen de auga Castrelo
e dan a lus a Castilla.

Fíxose logo o mandado
pagaron a patacón
a vila nun pedregallo
a xente na emigración.

Hoxe volven as andadas
mais encoros van facer
probiños dos nosos rios
e de nos que vai a ser.

Esta foi a triste historia
dun pobo do noso Ourense
que ten xuez e segredario
e tamén señor forense.

Tamén aparece en:

Loitando
As palabras dos galegos
Concerto en Xenebra
Concerto en Taragoña
V Festival da Poesía no Condado

Para facer unha nova busca, preme aquí.